Vece cartoline de Trieste

[Starlite]

Dopo gaverve tediado con le foto-souvenir, ve propongo qualche vecia cartolina (da fine anni '30 a anni fine anni '50).

Qua xe piazza Costanzo Ciano La cartolina xe viaggiata ma manca de francobollo e el timbro xe incompleto.

A ocio però la xe del periodo 1939-1943 (el model de tram che se vedi xe entrado in servizio nel '34, el toco de auto che se vedi sulla sinistra, i capei dele due signore sulla destra e, soprattutto, el fatto che sia indicada piazza Ciano, e no Borsa, come che se ciamava solo in quel periodo).

[Starlite]

Altra vista de Piazza Ciano e Corso Vittorio Emanuele.

In questa scansione piccola piccola no se capisi, ma el tram che sta risalindo el Corso ga i "baffi bianchi" cioè due striche bianche che i ghe gaveva piturado nel periodo de guerra in cui iera l'oscuramento, per cui no xe sai dubbi su quando xe stada scattada.

[Starlite]

Piazza Goldoni!

No so fin che anno iera la scritta Cinzano in bela mostra, in ogni caso la foto devi esser dei anni '50 (probabilmente prima metà): infatti sulla destra diria che se vedi el grattacielo de via Battisti, ma non ancora quel de via Carducci e in via Gallina xe ancora la vecia casa bassa che iera al posto del palazzo che oggi ga sotto el passaggio per via Carducci.

[Stefano79]

Ogni volta che vedo ste foto no posso no pensar a quanto i xe stadi mone a cavar i tram

[Starlite]

Ancora piazza della Borsa, piturada però.

[Starlite]

E le rive deserte con un tram 9 (con un scan a 600 dpi se vedi che xe el 9 ) con rimorchio che va verso Campi Elisi

[tifone]

Le colorate non me piasi tanto,me ga de falso,il bianco e nero inveze me emoziona tanto

[fp17]

quotone il tifone

[Starlite]

Queste non le go. Go fregado le foto da http://www.delcampe.it (dove le xe in vendita - xe un sito tipo ebay ma dedicado al collezionismo).

Comunque, se tratta - come se vedi - de due vedute de via Carducci ciapade evidentemente dal palazzo dei portici.

La prima xe del periodo de guerra ("baffi bianchi" sui tram) e se vedi un discreto traffico tramviario: anche se no riva legger se pol dedur che sulla sinistra xe un tram Stanga terza serie con rimorchio in servizio sulla 6 che sta per girar su per via Battisti in direzion San Giovanni, immediatamente seguito da una motrice tipo "Savigliano" che iera tipicamente impiegade nei ultimi anni sulla linea 7 che fazeva Stazione Centrale - San Giovannni.

In direzion opposta molto probabilmente un tram sempre Stanga terza serie con rimorchio che va verso Barcola.

La seconda, praticamente stesso punto de vista ma angolo un po' più ampio. Devi esser fine anni '50: oltre al tram Stanga prima/seconda serie impegnado sulla 6 verso San Giovanni, se vedi che xe apparso el grattacielo all'angolo con via Milano.

[Ospite nikibeach]

Grazie per queste cartoline, sono veramente belle e speciali!

[foresto]

Super !!!

veramente belle ......

[Starlite]

Bene. Ve delizierò ancora

[Starlite]

Ancora dal sito sopracitato. Un bella notturna de via Carducci. A ocio devi esser ancora anni del GMA.

Se vedi l'entrata del Cine Odeon in basso a destra, e el strisciante del pantografo de una vettura del tram de Opcina.

Interessante anche l'insegna luminosa Stock che devi esser sul tetto de una casa in Barriera.

[Starlite]

Un'altra vista de piazza Goldoni. Se quela che se vedi qua la go stimada nella prima metà anni '50, ma forse podessi esser anche 56-57, questa xe sicuramente anteriore. Infatti no xe l'insegna Cinzano e se vedi un model de tram un poco più vecio (tipo Savigliano, con rimorchio) in servizio sulla linea 2 che va verso Servola.

In direzion opposta se conta almeno 3 tram. Quel che se vedi a fianco del 2 xe la 5 (con un tipo de tram rivado a Trieste non prima del '38) che va verso piazza Perugino. La 5 iera tranviaria fino al 13 gennaio 1952.

Pertanto la foto xe sicuramente de prima.