Casa a Trieste: dove la vorrei?

[Giada]

Prendendo spunto dal fatto che mio moroso se ga appena ciolto l'appartamento, e che gavemo girà el girabile da gennaio a maggio per cercar qualcosa de bel a un prezzo umano, me xe venuda la curiosità de saver quale xe le zone più ambite de Trieste (e della provincia). Ognun de noi, sia che staghi za da solo o gabbi ancora de levar le ancore, gaverà qualche idea su quale zona lo ispira de più. Tenindo conto, ma non troppo, del budget, delle comodità, delle bellezze della zona etc...

Cerchemo de spiegar anche perchè una certa zona ne attira tanto.

Mio moroso, dopo aver visto de tutto, ga riva a trovar un bellissimo appartamento vista mare, 75 mq, con terrazzon box e cantina, in Vicolo delle Rose (Roian Alta o Cologna bassa, dipendi dai punti de vista). In mezzo al verde e con vista mare, ma non troppo lontan del centro. Questi iera i requisiti essenziali; gavevimo scarta a priori zone come Servola, Valmaura o el centro proprio in base ai nostri gusti personali.

Voi cossa me dise a proposito?

[SandroWeb]

Una roba che no centra niente: magari se podessi metter sta discussion là de Trieste e i fatti odierni...in fin dei conti cior casa adesso xe un fatto odierno

Tornando in topic, me piasi molto la zona de Strada del Friul e via Bonomea...me ga sempre ispirado una casa là. In Costiera xe el non plus ultra, ma dovessi far una rapina in banca per podermela permetter

P.S. Giada, mi stago dalle parti de Scorcola, semo quasi tacadi

[Stefano79]

El mio sogno xè una casetta in carso con picio giardin e posto auto...ma coi prezzi de adesso

Attualmente stago in Commerciale bassa, poco sora al sior amministrator . Bella vista, niente teppisti...ma anche parcheggi inesistenti e frastuono de motori de tutti quei che ciapa via Commerciale per una rampa de lancio

[roderick dhu]

mi che son cresudo in Scala Santa a Rojan, tornassi subito la; cmq Vicolo d. Rose, Scala Santa, via Moreri ancora tanto verde, vizin al centro e chi che ga fortuna: vista sul mare.

[arska]

mi me piasi sai i centri storici riqualificai, anca se go votado villa in costiera (son l'unico?) andassi subito in citàvecia

[Starlite]

Go votado cittàvecia.

Con la zona riqualificada... le viuze, niente auti... saria strafigo

Ma xe impossibile.

Ma una casetta in zona tranquilla de periferia...

tipo scala Bonghi, via dell'Eremo, o Catinara (senza vista ospedal)

o sul coston carsico con la vista tuto zo... no saria mal.

[polpetta]

no so cossa risponder

anche se la villa in costiera no xe niente mal

servola inveze la considerò ancora una zona abbastanza tranquilla..

uhm...

[assist]

E la villetta in costiera no saria niente mal no

[trert]

beh, villetta in costiera, quel che da!

[cucciolina]

Visto che xe un sondaggio e no devo tirar fora i soldi go risposto la villa in costiera. Magari con porticciolo privato per el bagno estivo, qualche alberello, un'amaca, prato all'inglese

Visto che sognar no costa niente, lo fazo

[iaga]

Mi stago ben dove che son.. anche se el problema de star in periferia xè pesantin.. Se dovessi sceglier però preferiria una casetta con giardin (senza penso che no podesi mai star..) dalle parti de via dell'eremo e via d'Angeli.

Bastanza tranquilla e bastanza vizina al centro.

[iaga]

Discussione spostata.

[cenerentola82]

Mi go visto el castel de Duin e no me dispiasessi.

Quel de Miramar no perchè xe tropi turisti e i disi che no porta ben.

[saretta]

Me piasessi una bella casetta sul carso,magari tra Aurisina e Sistiana.

Peccato che i costi sia troppo alti!

[rix]

Go votà Muggia (l'unico)...se comprassi una casetta su, la prenderei li, a difender l'ultimo feudo Giuliano...

[Maurizio72Ts]

Mi son nato dale parti del'Ospedal dela Maddalena e la stago noma che ben, ma se dovessi sceglier me piasessi andar a star dale parti de Piazal Rosmini (quindi Campi Elisi) dove me par che ghe sia un poco meno casin che de altre parti e dove che tra tanti condomini a 6-7 piani (e 25 famiglie) te trovi anche casete (con giardin) dove che stà, si e no 4 famiglie.

Ah...che bel sognar

[trert]

ma xke Dobbia de Staransan no xe tra le opzioni?? go capido che no xe proprio Trieste, però xe un posto cocolo!

[Stefano79]

ma xke Dobbia de Staransan no xe tra le opzioni?? go capido che no xe proprio Trieste, però xe un posto cocolo!

Sarà anche cocolo, ma per rivarghe te ga bisogno della cartina e del gps

[roderick dhu]

ma Muggia; gà messo solo una/o ? Dopo la zona mia Rojan (alta) non me dispiasi Muggia. L'unica rotura xe se te lavori o studi a TS, che bale le file in estate e el trafico.

[Matt]

mi no savevo cossa votar...go messo sul Carso, ovviamente dale parti de Sistiana...anca se...a dir la verità, xe poco più de un mese che me ne son andado via proprio de la...

la zona la xe meravigliosa...e più che la vila in costiera, ve garantisso che xe sai più bel la villa a Duin!!!

[Maurice]

Per quanto riguarda la città, go messo le zone limitrofe....

Però,mi vivo a duino e me piasi sai.....

[Malto]

Ovio che voleria la villa in Costiera...ma no credo de poder ambir a una un po' più "popolare" Strada del Friuli....

[ricciola6]

Go risposto Muggia, xchè xe una zona tranquilla, anche se mi che stago za in periferia, me piaseria una bela casetta, orto, barbecue,ecc... oltretutto la costiera de muia me piasi.

[Kiriranshelo]

mi go risposto servola.

ma non la del lato feriera...

dove son mi me par una zona bellissima.

vicin alla città ma fora dal caos

vicin al stadio ma non troppo

vicin a muggia

vicin al confin

son vicin a tutto e in una zona non troppo affollada..

[polpetta]

mi go risposto servola.

ma non la del lato feriera...

dove son mi me par una zona bellissima.

vicin alla città ma fora dal caos

vicin al stadio ma non troppo

vicin a muggia

vicin al confin

son vicin a tutto e in una zona non troppo affollada..