[MACRO] altri bei fiorelini

[trert]

no ghe ne vegno fora.. go fato sta macro ogi a lignan.. però me disturba i petali intrusi a dx.. come posso far per cavarli??

foto originale

croppada

cossa ve par? no me ispira sai..

[tuxav]

Beleeee !

(ma cos'te fazevi a lignan ogi ? te ciapavi posto x domenica? )

mi diria la seconda ...e ghe taiasi un toco alto, magari anche zoncando i petali a meta'... fazendo la foto un poco 'quadrata'....

[trert]

Beleeee !

(ma cos'te fazevi a lignan ogi ? te ciapavi posto x domenica? )

mi diria la seconda ...e ghe taiasi un toco alto, magari anche zoncando i petali a meta'... fazendo la foto un poco 'quadrata'....

iero col mio colega a provar le nove infradito per l'estate durante la pausa caffè..

te disi zoncarla? xe che mi le foto me secca farle che no le mantegni le proporzioni de 4/3 o 2/3...

[tuxav]

xe che mi le foto me secca farle che no le mantegni le proporzioni de 4/3 o 2/3.

beh xche' mai? anche mi no me piasi ma se no te la ga zoomada co te ga scata' e te domandi cosa se pol far.... croppa ah

anche le panoramiche no xe proprio 4/3 - 2/3

[polpetta]

piasi anche mi la seconda pero in Post ghe togliesi quel bobolo azzurro sfocado drio che me urta sai..

[tuxav]

Ogi scambiando 4 ciacole con un noto peteson del sito apasiona' anche lu de fotografia me son ricorda' che gavevo fato diversi ani fa dele macro in una maniera particolare, anzi due.

La prima maniera iera metendo dele lenti adizionali davanti al obietivo in modo da aumentar le diotrie e quindi l'ingrandimento. Go zerca velocemente tra le diapo ma no go trova' nisun esempio, ma pena go un poco de tempo scanerizo e mostro cosa se pol otignir. Le lenti adizionali se le trova facilmente in giro, no le go ancora provade sula reflex digitale xche le xe diametro 52 e devo trovarle diametro 67 ...

El secondo metodo, secondo mi piu 'originale' consisti nel montar l'obietivo (mejo un grandangolo) al contrario sul corpo machina dela reflex, esisti dei anei apositi che consenti de farlo. Oviamente se perdi l'automatismo del diaframa/tempi per cui bisogna prima meter a fogo, dopo se meti la ghiera dei diaframi sul diaframa desidera' (visto che la distanza de mesa a fogo xe ridotisima mejo usar cavaleto e diaframi sai chiusi) o se lasa a tuta apertura e dopo se scata ....

eco qua un esempio:

foto 1: cactus dele dimensioni de circa 12/15 cm de alteza e i fiori iera grandi circa poco piu de l'ongia de un pollice .... foto scatada col 28mm monta ala drita

foto 2: la seconda xe fata col 28mm monta ala riversa

credo che questi due modi de scatar le foto permeteva de far dele macro simpatiche spendendo cifre veramente ridicole, sopratuto la seconda soluzion. Purtropo adeso con le reflex super autofocus no credo sia piu posibile farlo visto che manca sui obietivi la posibilita de serar a man el diaframa.... motivo in piu x no butar mai via la vecia reflex :D

[trert]

iera de tanto che volevo veder sto esempio!! devo dir che xe sai figo.. un poco de bazilar ma sai figo!!

[miguelsonmi]

Bele e interesanti. Ma ghe vol tanta pazienza..... Complimenti !

[polpetta]

la penultima me piasi molto ..anche come taglio della foto

magari una luce in piu non guastava ma va ben lo stesso

l'ultima tanto de cappello come prova de obiettivo rovescia ma come foto non xe proprio proprio ottima.. el petalo sfogà davanti da un pochetto fastidio

[tuxav]

mi la penultima proprio no me piasi, la go mesa solo x confrontar le dimensioni dei fiori con la macro

xe cmq sai dificile meter a fogo con l'obietivo ribalta' xche la profondita' de campo xe sai sai ridota e bisogna lavorar al max dela chiusura del diaframa e nonostante questo se riscia de gaver parti non a fogo... cmq iera solo un tentativo fato x zogarse

Grasie cmq

[_titti_]

so che la foto xè taiada...ma el fior iera super in basso e no me son distirada visto che stava passando auto... anzi..a dirla tutta, la foto la xè fatta proprio alla cieca..

[tuxav]

uhm.. forsi se te scatavi in verticale te risolvevi el problema anche qua forsi un bic sotoesposta...

[babatriestina]

anche qua forsi un bic sotoesposta...

a mi le me piasi un poco sotoesposte perchè i colori vien più saturi. Ma forsi dipendi del video che se ga, mi la vedo giusta.

Per le lenti addizionali de una volta, mi gavevo una per la mia Retina, che iera meccanica anni 50, no reflex, e iera un casotto perchè cambiava l'esposizion rispetto al esposimetro ( esterno, manual) e ale distanza segnade . Insoma, iera un terno al lotto intivar ben la foto e po arivava solo che a avicinarse fin 30 cm..

[_titti_]

gò provà a farghene anche un per in verticale...ma le xè o sfogade o taiade ancora de più... ma le xè stade fatte appunto alla cieca, senza neanche rivar a veder el schermo...