Bariera Vecia (Barriera Vecchia)

[SandroWeb]

El comun ga intenzion a breve de iniziar i lavori de riqualificazion de Largo Barriera, stanziando fondi per un milion de euri per "ampliar" (cussì ga dito l'assessor Rossi) el salotto buono della città...

Voi cossa pensè de questi prossimi lavori?

[Starlite]

Sinceramente mi no vedevo l'ora che i se decidessi a sistemar Bariera, fa bastanza schifo, xe un caos totale a livel de circolazion, postegi, no xe nianche un punto verde, un'aiola... niente de niente...

Iera ssai bel el progeto ani '30 per come doveva eser Bariera. Dopo zerco e lo posto

[AquilaBiancoRossa]

Sinceramente mi no vedevo l'ora che i se decidessi a sistemar Bariera, fa bastanza schifo, xe un caos totale a livel de circolazion, postegi, no xe nianche un punto verde, un'aiola... niente de niente...

el me ga anticipà. Iera ora de metterla un po' a posto

[tuxav]

mi son d'acordo, anzi super d'acordo....

speremo solo che no i trovi resti romani anche la se no semo fregai :D

za a s.giacomo, adio parchegio vabeh vedaremo ah

[Starlite]

Queste xe riproduzioni de progeti conservadi al Archivio del Comune e xe stade mese su un cd che iera alegado a un libro uscido un annetto fa (Dalla Città Moderna alla CIttà Contemporanea - Piani e Progetti per Trieste 1453 - 2001).

Vista dal alto: corso Garibaldi xe l'atuale via Oriani:

E questa xe la vista dal attuale corso Saba:

Modificato 21 Novembre 2004 da Starlite

[tuxav]

bel bel me piasi ... mancasi i tram..

cmq qua ghe volesi una risposta autorevole da cianeto de bariera

[SandroWeb]

Tutto bel e interessante quel che i vol far (i vol pedonalizzar quasi tutto cavando via anche i posteggi regolari) ma no vegnerà fora un casin con tutti 'sti cantieri verti contemporaneamente? Leggevo stamatina sul bugiardel che in piazza Goldoni i xe in ritardo con i lavori, chissà se i speterà de finir là prima de cominciar in Barriera Vecia

Spero solo che no i ghe cambi nome come che disi el Piccolo.

I toponimi xe sacri, xe storia dela cità, no me par giusto cavarli.

Quoto in pien

[Starlite]

Semplicemente i la rinomina da *largo* Barriera Vecchia a *piazza* Barriera Vecchia, che no me par mal.

Comunque finalmente i meti un poco de verde.

Solo una roba.... i meti un novo semaforo... i disi che renderà el trafico piu' fluido...

Xe in tanti posti che i elimina i semafori fazendo rotatorie o percorsi obligadi.. qua no.. i continua meter semafori... mi no capiso... uff...

[Starlite]

Altra vista in pianta...

Quel che dopo xe diventà largo Bariera che conosemo...

da sti progeti i doveva butar zo non solo la "casa bizantina" (dove che al suo posto iera la stazion dele coriere) ma anche la casa vizin, quela do' che iera la publicità dela ESSO, che deso soto xe Pizza New, per intenderse. No saria stada quindi la stretoia che adeso xe in corispondenza del mercato coperto.

Altra roba... la via Oriani (corso Garibaldi) doveva eser piu' longa e no solo un scurton.

La UPIM quindi no doveva eser cusì aretrada e, se vardando i trati ingrosadi, nianche la casa dove che xe Donda doveva resta quela... ma far un'altra piu' avanzada per strenzer e slongar el corso Garibaldi.

Ultime curiosità... la piaza Garibaldi squadrada con l'abatimento dele case sul lato tra la via del Bosco e la via Corridoni....

e la via Foschiatti slargada per rivar ben larga in via Pietà con do' copie de sine pe'l tram...

Mi me ga sempre piaso i progeti fasisti per Trieste... ghe voleva un Albert Speer anche qua ghe voleva

Modificato 21 Novembre 2004 da Starlite

[yko]

17 alberi...no' sarà tropi!?

[yko]

cmq qua ghe volesi una risposta autorevole da cianeto de bariera

e mi che stago in piaza Garibaldi...gnente??

[Tirabaralla]

Semplicemente i la rinomina da *largo* Barriera Vecchia a *piazza* Barriera Vecchia, che no me par mal.

Ma che senso ga una roba del genere?

Xè uficial che i lo cambia de "largo" in "piazza"?

Ste robe me fa inca...grrr

[Starlite]

Me par a mi o xe cominciadi i lavori?

[iaga]

Mi so solo che i ga spostado la fermata della 40 e 41 là della fermata della 20-21.. là della cartoleria centrale, e che oggi go visto transenne sia dalla parte più larga (dove che gira la 48) che là dell'ex fermata della 40-41.

[Starlite]

E la fermata dela 18 di fornte l'UPIM soppressa.

[AquilaBiancoRossa]

Mi so solo che i ga spostado la fermata della 40 e 41 là della fermata della 20-21.. là della cartoleria centrale, e che oggi go visto transenne sia dalla parte più larga (dove che gira la 48) che là dell'ex fermata della 40-41.

Anche mi go visto oggi, podessi esser che i comincia i lavori. Chissà?!?

[puromalto]

anche la 37 ga cambià fermata.. mia mamma povera la xè rimasta a pie....

[Starlite]

Dal sito dela TT

Si comunica che, con effetto immediato, a causa di lavori stradali in atto in Largo Barriera e per tutta la durata degli stessi, i capolinea e le fermate delle linee interessate saranno osservati nelle seguenti posizioni:

    * LINEE 33 - 34 : all'altezza del civico 4 (Upim)

    * LINEA 37        : all'altezza del civico 11 (sul lato opposto della piazza, prima dell'incrocio con la via Pondares)

    * LINEA 48        : all'altezza del civico 10 (sul lato opposto della piazza, dopo l'incrocio con la via Pondares)

    * LINEE 40 - 41 : arretramento della fermata in via Carducci, di fronte al Mercato, in comune con le linee 20 e 21.

Inoltre viene provvisoriamente sospesa la fermata aziendale delle LINEE 18 - 20 - 21 - 23 di Largo Barriera (Upim).

[Matt]

e bravo starlite! el xe efficiente sto MOD!!

ghe dovessimo offrir de bever

sempre che el gabbi voia

[Starlite]

e bravo starlite! el xe efficiente sto MOD!!

ghe dovessimo offrir de bever

sempre che el gabbi voia

Sempre pronto

[iaga]

e bravo starlite! el xe efficiente sto MOD!!

ghe dovessimo offrir de bever

sempre che el gabbi voia

Scoltime mi, nol merita..

[Matt]

Sempre pronto 

Scoltime mi, nol merita.. 

a chi go de scoltar? se scolto un poi l'altro se rabbia...

[Starlite]

Basta che te me ofri de bever senza dirghe niente a iaga

[iaga]

Se te ghe offri de bever.. l'unico modo per non farme incazzar xè offrir de bever anche alla sottoscritta..

[Matt]

allora xe fatta...femo una mega impetesada e semo tutti contenti! e mi no fazzo rabiar gnisun!